Andre Onana yamaze guhagarikwa umwaka wose adakina umupira w’amaguru
Umunyezamu w’ikipe ya Ajax yo mu buholandi ndetse n’ikipe y’igihugu ya Cameroon Andre Onana yamaze guhagarikwa n’ishyirahamwe ry’umupira w’amaguru ku mugabane w’iburayi(UEFA), igihe kingana n’umwaka wose adakina umupira kubera gukoresha imiti yongera imbaraga.
Uyu musore w’imyaka 24 y’amavuko ufite impano ikomeye mu bijyanye no kurinda izamu wazamukiye mu ikipe ya Barcelona, arazira kuba yarakoresheje imiti yongera imbaraga, ibintu bivugwa ko yakoze mu mpera z’umwaka ushize wa 2020.
Nkuko byatangajwe n’ikipe asanzwe akinira ya Ajax mu gihugu cy’Ubuholandi ibinyujijwe ku rubuga rwabo rwa Twitter, yavuze ko umunyezamu wabo yahagaritswe mu gihe kigera ku mwaka adakina umupira w’amakuru haba mw’ikipe yabo ndetse n’ikipe y’igihugu ya Cameroon kubera gukoresha imiti yongera imbaraga.
Nyuma y’iki cyemezo cyafashwe n’ishyirahamwe ry’umupira w’amaguruku mugabane w’iburayi(UEFA), ikipe ya Ajax yahise itangaza ko igiye kujurira iki cyemezo kuko babona umukinnyi wabo yararenganijwe bakaba bagiye kugeza ikirego mu rukiko rwa TAS.
