Ikipe y’igihugu ya Argentine yegukanye igikombe cya Copa America ya 2024 nyuma gutsinda ikipe y’igihugu ya Colombia.
Mu mukino wari injyana muntu ku mpande zombi wanavunikiyemo Lionel Messi, Ikipe y’igihugu ya Argentine yegukanye igikombe itsinze ikipe y’igihugu ya Colombia igitego kimwe ku busa, Cyabonetse ku munota wa 112 gitsinzwe na Lautaro Martinez.
Iyi kipe y’igihugu yisubije igikombe cya Copa America yaherukaga no kwegukana mu mwaka wa 2022 ubwo cyaherukaga gukinwa, icyo gihe Argentine ikaba yari yatsinze ikipe y’igihugu ya Brazil igitego 1 ku busa.
Ni igikombe cya 17 cya Copa America ikipe y’igihugu ya Argentine yegukanye ndetse ikaba inabaye Copa America ya kabiri kuri rutahizamu Lionel Messi atwaranye n’iyi kipe y’igihugu kuva yatangira kuyikinira.
Mu bihembo by’abakinnyi bitwaye neza byatanzwe, Lautaro Martinez yahembwe nk’uwatsinze ibitego byinshi kuko yatsinze 5, James Rodriguez ahembwa nk’umukinnyi w’irushamwa, Mu gihe Emiliano Martinez yahembwe nk’umunyezamu w’irushamwa rya Copa America.
Copa America y’uyu mwaka ikaba yaberaga muri Leta Z’unze Ubumwe z’America kuri Stade zitandukanye, binateganijwe ko zimwe murizi Stade zizaberaho imikino y’igikombe cy’isi cya 2026 giteganijwe kuzabera muri iki gihugu.
