Tariki ya 11 Mutarama 2026, muri Saudi Arabia mu mujyi wa Jeddah haberaga umukino wa nyuma wa Super cup ya Espagne igikombe kiruta ibindi muri iki gihugu.
Uyu mukino wa nyuma ukaba wahuzaga amakipe abiri akomeye mu gihugu cya Espagne ariyo Real Madrid ndetse n’ikipe ya Barcelona ibarizwa mu ntara ya Catalonia.
Ni umukino watangiye ku isaha ya saa tatu z’ijoro ndetse ni umukino waranzwe no guhangana cyane ku mpande zombi binyuze mu bakinnyi bakomeye baya makipe nubwo Real Madrid yaburaga Kylian Mbappe wari wabanje ku ntebe y’abasimbura kuko yashidikanywagaho kubera imvune yari yaragize.
Uyu mukino ukaba waje kurangira ikipe ya Barcelona yegukanye igikombe cya Super Cup nyuma yo gutsinda ikipe ya Real Madrid ibitego 3 kuri 2.
Ibitego bya Barcelona byatsinzwe na Lewandowski ndetse na Raphinha watsinze bibiri, Mu gihe ikipe ya Real Madrid yatsindiwe na Gonzalo Garcia ndetse na Vinicius Junior.
Ikipe ya Real Madrid ikaba yari yafeze kuukino wa nyuma itsinze ikipe ya Atletico Madrid ibitego 2 kuri 1, Mu gihe ikipe ya Barcelona yari yasezereye ikipe ya Athletic Bilbao iyinyagiye ibitego 5 ku busa.
