Amakuru akomeje gucaracara kuri uyu mugoroba wa tariki ya 14 Mutarama 2025, aravuga ko ikipe ya Apr Fc yamaze gusinyisha rutahizamu mushya ukomoka mu gihugu cya Burkina Faso.
Nkuko amakuru dukesha Bruno Taifa abivuga, ikipe y’ingabo z’igihugu yamaze gusinyisha rutahizamu mushya witwa Cheick Djibril Quattara amasezerano y’imyaka ibiri, uyu mukinnyi akaba yari asanzwe akinira ikipe ya JS Kabylie yo mu gihugu cya Algerie.
Uyu akaba ari rutahizamu uje gufasha ikipe ya Apr fc mu busatirizi bwayo kuko bigaragara ko harimo ikibazo ndetse kubera umusaruro mucye w’abasanzwe bahakina barimo SY na Victor Mbaoma byatumye umutoza Darco Novic ahengekayo Tuyisenge Arsene usanzwe ukina asatira aciye ku mpande.
Cheick Djibril Quattara akaba ari rutahizamu wanyuze mu makipe atandukanye arimo ikipe ya ASF Bobo Dioulaso yo muri Burkina Faso, RS Berkane yo muri Maroc, JS Kabylie yo muri Algerie ndetse bikaba bivugwa ko yigeze no kwifuzwa n’amakipe yo ku mugabane w’iburayi arimo ikipe ya FC Lorient ndetse n’ikipe ya Sassuolo yo mu Butaliyani.
Uyu rutahizamu Cheick Quattara akaba aje yiyongera ku bakinnyi ikipe y’ingabo z’igihugu iheruka gusinyisha barimo Hakim Kiwanuka ndetse Denis Omedi bakomoka mu gihugu cya Uganda ndetse bose bakaba bakina basatira izamu.
