Bruno Fernandez niwe wegukanye igihembo cy’umukinnyi w’ukwezi kw’Ukuboza kwa 2020
Umukinnyi wo hagati mu kibuga ukomoka mu gihugu cya Portugal usanzwe akinira ikipe ya Manchester United yo mu gihugu cy’ubwongereza Bruno Fernandez, niwe wamaze gutorwa nk’umukinnyi wahize abandi mu kwezi k’Ukuboza mu mwaka ushize wa 2020.
Bruno Fernandez akaba yegukanye iki gihembo ahigitse abakinnyi bagera kuri barindwi, abo bakinnyi akaba ari El Ghazi ukinira ikipe ya Aston Villa, Emiliano Martinez umuzamu w’ikipe ya Aston Villa, Ben Mee Kapiteni w’ikipe ya Burnley, Marcus Rashford w’ikipe ya Manchester United, Thomas Soucek ukinira ikipe ya West ham United, Mohamed Salah uikinira ikpe ya Liverpool ndetse na John Stones usanzwe akinira ikipe ya Manchester City.
Ni igihembo gisanzwe gitangwa n’ishyirahamwe EA SPORTS gihemba umukinnyi witwaye neza kurusha abandi muri Shampiyona y’Abongereza, nyuma y’amatora aba yakozwe n’abafana b’amakipe atandukanye, aba Kapiteni b’amakipe 20 ya Premier League ndetse n’inzobere mu mupira w’amaguru.
