Chelsea ikomeje kwiyubaka cyane yasinyishije Myugariro Ben Chilwell
Ikipe ya Chelsea ibarizwa mu gihugu cy’Ubwongereza, mu mujyi wa London, ikomeje kwiyubaka mu buryo bukomeye cyane, kuri ubu yamaze gusinyisha Myugariro w’ibumoso Ben Chilwel.
Ben Chilwel wari usanzwe akinira ikipe ya Leicester city mu bwugarizi ku ruhande rw’ibumoso, yamaze kugurwa n’ikipe ya Chelsea itozwa n’umutoza Frank Lampard,uyu mukinnyi akaba yamaze gusinya amasezerano y’imyaka itanu.
Uyu musore ukomoka mu bwami bw’Abongereza, ni umwe mu bafite imoso ityaye muri shampiyona y’iki gihugu ikunzwe n’abatari bacye kw’isi, yerekeje mu ikipe ya Chelsea atanzweho hafi miliyoni 55 z’amayero.
Uyu mukinnyi Ben Chilwel , akaba aje yiyongera Ku band I bakinnyi babiri iyi kipe yari yaraguze , barimo Timo Werner wavuye mu gihugu cy’ubudage ndetse na Hakim Ziyech wavuye mu ikipe ya Ajax yo mu Buholandi.
Chelsea ikomeje kwiyubaka cyane yitegura umwaka utaha w’imikino, iravugwamo andi mazina akomeye ashobora kwinjiramo harimo Thiago Silva, Kai Havertz ndetse n’abandi.
