Ferwafa yandikiye amakipe ibibutsa ibijyanye no kwirinda icyorezo cya Coronavirus
Ishyirahamwe ry’umupira w’amaguru mu Rwanda Ferwafa, yamaze kwandikira amakipe yo mu cyiciro cya mbere yose ibibutsa amabwiriza ajyanye no kwirinda icyorezo cya Coronavirus ndetse ibabwira kuzitwararika mu gihe shampiyona yaba yongeye gukinwa.
Ibi bije nyuma yuko shampiyona yahagaritswe bitewe n’amakipe amwe namwe atarubahirije amabwiriza ajyanye no kwirinda icyorezo cya Covid-19, aho amwe mu makipe yagaragayemo abakinnyi benshi banduye iki cyorezo harimo n’amakipe akomeye hano mu Rwanda.
Kugeza ubu igihe shampiyona izagarukira ntabwo cyari cyamenyekana gusa iyi baruwa Ferwafa yashyize hanze ikaba ica amarenga ko shampiyona ishobora kugaruka mu minsi ya vuba, ikindi kintu kirimo gutanga ikizere ko shampiyona ishobora kugaruka vuba n’itangwa ry’urukingo rwa Covid-19 rukomeje gutangwa mu Rwanda.
Ishyirahamwe ry’umupira w’amaguru mu Rwanda Ferwafa rikaba ryohereje amabaruwa amakipe yose akina mu cyiciro cya mbere, aho iri shyirahamwe ryabinyujije kuri Email z’amakipe yose.
