Gaza: Abategetsi bavuga ko abarenga 40 bishwe ku munsi wo cyumweru
Abategetsi ba Gaza bavuga ko ku cyumweru wabaye umunsi wa mbere upfuyemo abantu benshi kuva iyi mirwano na Israel yatangira Abantu barenga 40 biciwe muri ibi bitero bishya by’indege bya Israel kuri Gaza.
Igisirikare cya Israel kivuga ko intagondwa z’Abanye-Palestina zarashe ibisasu birenga 3000 kuri Israel mu gihe cy’icyumweru gishize.
Umunyamabanga mukuru w’umuryango w’abibumbye (ONU/UN) António Guterres yavuzeko mugihe iyi ntambara yaba idahaze byaba biganisha akarere “mu makuba atahagarikwa.
Anasaba ko urugomo ruteye ubwoba ndetse n’ururndi urwarirwo rwose rwakabaye ruhagarara rwakabaye
Mbere yaho kuri uyu wa mbere, indege z’intambara za Israel zagabye ibitero 80 ku turere twinshi tw’umujyi wa Gaza, nyuma gato yuko intagondwa zo mu mutwe wa Hamas zungikanyije ibisasu mu majyepfo ya Israel.
ONU yanavuze kandi ku bucye bw’ibitoro muri Gaza, bushobora gutuma ibitaro n’izindi nyubako zibura umuriro w’amashanyarazi.
Uwungirije umuhuzabikorwa wihariye wa ONU mu bikorwa by’amahoro mu burasirazuba bwo hagati, Lynn Hastings, yabwiye BBC ko yasabaye abategetsi ba Israel kwemerera ONU kujyana ibitoro n’ibindi bicyenewe ariko akabwirwa ko hadatekanye.
Abategetsi ba Gaza bavuze ko abantu 42, barimo abagore 16 n’abana 10, bapfiriye mu bitero by’indege bya Israel ku cyumweru.
Abantu 10, barimo abana babiri, biciwe mu bitero bya rokete kuri Israel kuva imirwano yatangira ku wa mbere ushize, nkuko Israel yabivuze.
Bose hamwe, abantu bamaze kwicwa muri Gaza ubu baragera ku 188, barimo abana 55 n’abagore 33, n’abakomeretse 1230, nkuko minisiteri y’ubuzima igenzurwa na Hamas ibivuga. Israel ivuga ko mu bapfuye harimo intagondwa zibarirwa muri za mirongo.
BBC.
