Ikipe ya Bayern Leverkusen yabonye umutoza mushya

Biteganyijwe ko kuwa Gatatu wiki cyumweru aribwo uyu mutoza azatangira imyitozo ya mbere hamwe n’ikipe ya Bayern Leverkusen ndetse kandi ku munsi wo kuwa gatanu akazatoza umukino we wa mbere ari kumwe na Bayer Leverkusen ubwo bazaba bakina n’ikipe ya Eintracht Frankfurt.

Bayer Leverkusen yari ikeneye umutoza mushya nyuma yo kwirukana umutoza Erik Ten Hag ku wa mbere ushize nyuma y’imikino itatu yonyine uyu mutoza yari amaze atoza iyi kipe iheruka kwegukana igikombe cya shampiyona ya Bundesliga 2023-2024.

Umutoza Erik Ten Hag yari yageze mu ikipe Bayern Leverkusen muri iyi mpeshyi  nyuma yo kumara igihe adafite ikipe kuva mu Ugushyingo 2024 ubwo ikipe ya Manchester United yamwirukanaga imuziza umusaruro utari mwiza.

Bayer Leverkusen yatsinze imikino itatu muri itanu yakinnye mu myiteguro y’umwaka (pre-season), hanyuma itangira neza umwaka w’imikino itsinda Grossaspach muri DFB Pokal ariko mu mikino ya Bundesliga yatangiye nabi ubwo yatsindirwaga iwayo na Hoffenheim ibitego 2–1, ndetse inganya na Werder Bremen yari ifite abakinnyi 10 gusa mu kibuga ibitego 3–3.