Kiyovu Sport yahakanye amakuru avuga ko yirukanye umutoza Karekezi Olivier
Ikipe ya Kiyovu Sport bakunze kwita urucaca, yamaze guhakana amakuru yabyutse avugwa mu binyamakuru ndetse n’ahandi hatandukanye, yavugaga ko umutoza mukuru wayo Karekezi Olivier yaba yirukanywe.
Nkuko amakuru yabyutse acicikana ahantu hatandukanye, yavugaga ko uyu mutoza Karekezi Olivier yamaze kwirukanwa n’ubuyobozi bw’ikipe ya Kiyovu Sport nyuma yo gutsindwa umukino wa mbere wa shampiyona ibitego 2-1 iyi kipe yari yasuyemo ikipe ya Rutsiro Fc bari kumwe mu itsinda rimwe rya kabiri.
Babinyujije ku rubuga nkoranyambaga rwabo rwa Twitter, ubuyobozi bw’ikipe ya Kiyovu Sport bwamaze guhakana bwivuye inyuma ayo makuru yavugaga ko bwamaze kwirukana uwari umutoza w’ikipe yabo Karekezi Olivier Kubera ko yatsinzwe n’ikipe ya Rutsiro Fc.
Ubuyobozi bw’ikipe ya Kiyovu Sport bukaba bwanditse bumenyesha abakunzi bose b’ikipe y’urucaca ko amakuru yabyutse avugwa mu binyamakuru ndetse no ku mbuga nkoranyamabaga zitandukanye ko birukanye umutoza mukuru wabo Karekezi Olivier nta shingiro bifite n’agato.
