Malaria yatumye Aubameyang atitabira imikino ikipe ya Arsenal iheruka gukina
Rutahizamu Pierre Emerick Aubameyang ukomoka mu gihugu cya Gabon usanzwe akinira ikipe ya Arsenal, yafashwe n’indwara ya Malaria yanatumye atitabira imwe mu mikono ikipe ya ya Arsenal iheruka gukina haba muri shampiyona ndetse no mu mikino ya Europa League.
Uyu mukinnyi usanzwe ari na Kapiteni w’ikipe ya Arsenal yo mu Bwongereza, yaherukaga gukina umukino w’irushanwa rya Europa League ikipe ye yakinaga n’ikipe ya Slavia Prague mu mukino ubanza wa 1/4 ariko akaba yaraje kwinjira mu kibuga asimbuye, nyuma y’uwo mukino yahise arwara ndetse bituma asiba umukino wa shampiyona ikipe ye yakinnye n’ikipe ya Yakinnye ya Sheffield United hamwe n’umukino wo kwishyura muri Europa League baraye banyagiyemo ikipe ya Slavia Prague ibitego 4-0.
Aubameyang abinjujie ku rukuta rwe rwa Instagram yagize ati” Nafashwe n’indwara ya Malaria mu minsi ishize gusa ubu ndumva ngenda ndushaho kumera neza umunsi ku munsi ndetse ndashimira abaganga banyitayeho, Mu by’ukuri numvaga ntameze neza mu byumweru nka bibiri bishize ariko vuba aha ndagaruka mu kibuga nkomeye kurusha uko nigeze kuba meze mbere!“.
Rutahizamu Aubameyang akaba amaze guhesha ikipe ya Arsenal ibikombe bibiri kuva yayigeramo birimo igikombe cya FA Cup batwaye batsinze ikipe ya Chelsea ku mukino wa nyuma ndetse n’igikombe cya Community Shield batwaye batsinze ikipe ya Liverpool, ikindi uyu mukinnyi akaba aheruka no guhesha itike igihugu cye cya Gabon yo kuzakina igikombe cya Afurika kizabera mu gihugu cya Cameroon.
