Nyuma yaho ishyirahamwe ry’umupira w’amaguru ku mugabane w’iburayi(UEFA) ryari ryafatiye ibihano ikipe ya Manchester city byo kumara imyaka ibiri idakina imikino ya champions league, nyuma yo gushinjwa gushora amafaranga menshi kw’isoko ry’abakinnyi aruta ayo iyi kipe yinjizaga (financial fair play), ibi bihano byamaze gukurwaho.
Nyuma y’uko iyi kipe itishimiye iki cyemezo cyari cyafashwe n’ishyirahamwe ry’umupira w’amaguru ku mugabane w’iburayi, yahise yitabaza urukiko rushinzwe gukemura ibibazo mu ishyirahamwe ry’umupira w’amaguru kw’isi (FIFA), kuri ubu uru rukiko rukaba rwamaze gukuraho ibihano iyi kipe yari yarafatiwe.
Kuba iyi kipe ya Manchester city yakuriweho ibihano yari yafatiwe, bivuzeko umwaka utaha igomba kuzagaragara mu mikino y’amakipe yabaye aya mbere iwayo ku mugabane w’iburayi izwi nka Campions league, kuko kugeza ubu ihagaze ku mwanya wa 2 muri shampiyona y’abongereza inyuma y’ikipe ya Liverpool yamaze kwegukana igikombe.
Ibi kandi bikaba bigiye gutuma urugamba rwo guhatanira imyanya ine ya mbere muri shampiyona y’abongereza, rurushaho gukomera hagati y’amakipe arimo Chelsea, Manchester united, Leichester city ndetse Wolves, kuko aya makipe yose nta nimwe irizera neza ko izagaragara mu makipe ane ya mbere muri iyi shampiyona.
