Nyuma ya Thiago Alcantara ikipe ya Liverpool yamaze gusinyisha rutahizamu Diogo Jota
Rutahizamu ukomoka mu gihugu cya Portugal wari usanzwe ukinira ikipe ya Wolves yo mu gihugu cy’Ubwongereza Diogo Jota, yamaze kugurwa n’ikipe ya Liverpool nayo yo mu gihugu cy’Ubwongereza.
Uyu mukinnyi Diogo Jota witwaye neza cyane mu ikipe ya Wolves mu mwaka w’imikino ushize, yamaze gishyira umukono ku masezerano mu ikipe ya Liverpool, aho yasinye amasezerano y’imyaka itanu, akaba yatanzweho amafaranga angana na Miliyoni 40 z’amayero ashobora kuzongerwa.
Diogo Jota akaba yabisikanye na Myugariro wari usanzwe ukinira Liverpool wamaze kwerekeza muri Wolves, uwo akaba ari uwitwa Ki-Jana nawe wasinye imyaka itanu muri Wolves, aho yatanzweho miliyoni 10 z’amayero zishobora kuzongerwa bitewe nuko azitwara.
Uyu Rutahizamu Jota akaba yaratsindiye ikipe ya Wolves ibitego 26 mu mikino 80 yakiniye iyi kipe, kuva yahagera mu mwaka wa 2018 ubwo yari avuye mu ikipe ya Atletico Madrid yo mu gihugu cya Espagne.
