Pele yanyomoje abavuga ko Christiano Ronaldo yamaze kumucaho mu bamaze gutsinda ibitego byinshi mu mateka ya Ruhago
Ikirangirire mu mupira w’amaguru kw’isi Pele ukomoka mu gihugu cya Brazil , yanyomoje amakuru yakomeje gucicikana avuga ko Christiano Ronaldo yamaze kumucaho mu bamaze gutsinda ibitego byinshi mu mateka y’umupira w’amaguru kw’isi.
Amakuru yiriwe acicikana ku mbuga nkoranyambaga zitandukanye, yavugaga ko umunya Portugal Christiano Ronaldo yamaze guca kuri Pele mu bamaze gutsinda ibitego byinshi, aho bavuga ko amaze gutsinda ibitego 758 naho Pele akaba yaratsinze ibitego 757.
Abinyujije ku rubuga rwa Instagram yanyomoje ibyavuzwe ko bamuciyeho mu bamaze gutsinda ibitego byinshi kw’isi, aho yagaragaje ko nta muntu n’umwe uramucaho ndetse agaragaza ko ubwo yakinaga umupira w’amaguru yatsinze ibitego bigera ku 1238 mu mateka ye nk’umukinnyi.
Gusa n’ubwo uyu wabaye icyamamare muri Ruhago y’isi Pele yavuze ibi, ariko abandi baravuga ko ibitego byemewe yatsinze ari 757 ari nabyo bashingiraho batangaza ko Ronaldo yamaze kumutambukaho mu bamaze gutsinda ibitego byinshi kw’isi n’ibitego 758, ku bakunzi ba Messi we amaze gutsinda ibitego 711.
