Ikipe ya Rayon Sports yamaze gutangaza ku mugaragaro ko yasinyishije rutahizamu mushya ukomoka mu gihugu cya Benin.
Ibinyujije mu itangazo yashyize ku mbuga nkoranyambaga zayo, ikipe ya Rayon Sport yatangaje Bienvenu Joachim VIGNINOU ukomoka mu gihugu cya Benin nka rutahizamu wayo mushya.
Bienvenu Joachim VIGNINOU ni rutahizamu ukinisha akaguru k’ibumoso, wavutse mu mwaka wa 2003 ndetse akaba afite uburebure bwa metero 1 na cm 83 ndetse akaba apima ibiro bigera kuri 74.
Uyu mukinnyi Bienvenu Joachim akaba yiyongera kuri ba rutahizamu bandi ikipe ya Rayon Sports yari isanganwe barimo Habimana Yves, Ndikumana Asman ndetse na rutahizamu Fall Ngagne wari waragize imvune.
Ntabwo ari uyu mukinnyi wenyine ikipe ya Rayon Sports imaze kwibikaho kuko mu minsi ishize yanasinyishije Faustin Likao Pizaro ukina mu kibuga hagati, umunyezamu Kwizera Olivier ndetse na myugariro Yannick Bangala.
Rayon Sports iri kwitegura umukino wa Super Cup izahuramo n’ikipe ya APR Fc ikomeje kuvugwamo n’abandi bakinnyi batandukanye barimo umukinnyi ukina ku ruhande rw’ibumoso yugarira ndetse nundi ukina ku mpande imbere asatira izamu.
