Kuri uyu wa Gatatu tariki ya 01 Nyakanga 2020, Minisiteri y’Ubuzima yatangaje ko hagaragaye umubare munini w’abakize kurusha uw’abanduye corona virus uyu munsi. Gusa yagaragaje ko nyuma yo kumara iminsi hari abantu babiri bapfuye, uyu mubare wabo nawo wiyongereye.
Ibi Minisiteri yabitangaje ibinyujije mu itangazo yashyize ahagaragara, byerekana ko mu bipimo 3,961 byafashwe mu masaha 24 byagaragaje ko abantu bashya 17 banduye, abandi 33 bashya nabo bakira icyorezo cya corona virus, ndetse n’undi muntu umwe agahitanwa na yo. Aba bantu bagaragaye mu gihe akarere ka Rusizi kashyizwe mu kato ndetse na tumwe mu duce tw’Umujyi wa Kigali tugashyirwa mu kato.
Minisiteri y’Ubuzima kandi yavuze ko umuntu wahitanywe na Corona Virus ari umusirikare wa RDF ufite imyaka 51 wari uri mu butumwa bw’akazi hanze y’U Rwanda akaba yari afite ubundi burwayi.
Abanyarwanda basabwe gukomeza kwirinda ko iki cyorezo cyakwirakwira, bagakaraba intoki n’amazi meza n’isabune, bakambara agapfukamunwa n’amazuru bakamenya guhana intera ya metero hagati y’umuntu n’undi. Ni mu gihe kandi minisiteri yavuze ko igiye gutangira uburyo bushya bwo gupima corona virus, aho izajya isanga abaturage ku muhanda ikabapima, ndetse ibasaba iminota nibura 5 yo kugira ngo bafatwe ibipimo.
Kugeza ubu mu Rwanda hamaze kugaragara abantu 1,042 naho abagera kuri 480 bamaze gukira, mu gihe 3 bamaze gupfa bazize corona virus.
Itangazo ryashyizwe ahagaragara na minisiteri y’Ubuzima.
Turashize pe!!!!
Ntacyo tuzaba humura