Tanzaniya: Abantu 4 bafunzwe nyuma yo gufatwa barya inyama ndetse banywa n’inzoga ubwo Perezida Magufuli yashyingurwaga
Mu gihugu cya Tanzaniya hakomeje kuvugwa inkuru y’abagabo bane bafunzwe na polisi nyuma yo gusangwa barimo kurya inyama z’ihene ndetse banywa n’amayoga, ubwo uwahoze ari Perezida wa Tanzaniya Jhon Pombe Magufuli yashyingurwaga.
Nkuko amakuru yakomeje gucicikana ku mbuga nkoranyambaga zitandukanye ndetse n’ibinyamakuru byinshi muri kirya gihugu, Polisi ngo yafashe bariya bantu bane ibashinja gusuzugura igikorwa cyo kusezera kuri Perezida Magufuli witabye Imana azize indwara y’umutima.
Amakuru akaba avuga ko bariya bantu bafatiwe mu mihanda yo gace ka Mwanjelwa ku munsi wo kuwa Gatandatu tariki 27 Werurwe 2021, aho bari bizihiwe banywa inoga ndetse banarya inyama z’ihene inyama z’ihene.
Uwahoze ari Perezida w’igihugu cya Tanzaniya Jhon Pombe Magufuli yitabye Imana tariki ya 17 Werurwe 2021 azize indwara y’umutima aho yari arwariye mu bitaro biherereye mu mujyi wa Dar, akaba yaraje gushyingurwa tariki 26 Werurwe 2021.
