Nyuma y’igihe kirekire abafana ba ruhago bayitegereje, imikino ya Uefa Champions League yongeye yagarutse, Aho imikino yuyu mwaka wa 2025-2026 iratangira ku mugaragaro kuri uyu wa Kabiri, tariki ya 16 Nzeri 2025.
Ni irushanwa rikomeye rihuza amakipe akomeye aba yarabaye aya mbere iwayo ku mugabane w’Iburayi, aho buri kipe iba yifuza gukora amateka ndetse no kwegukana igikombe gitegurwa na Uefa, kimwe mu bikombe bifite agaciro gahambaye cyane mu mupira w’amaguru kw’isi.
Amakipe asanzwe afite amateka akomeye nka Real Madrid, AC Milan, Bayern Munich, Barcelona, Manchester City, Arsenal, Inter Milan Liverpool, PSG ndetse n’andi menshi agiye gutangira urugendo rushya rwo guhatanira igikombe cya Uefa Champions League cyuyu mwaka wa 2025-2026.
Dore amakipe yitabiriye irushanwa ryuyu mwaka:
Ku bafana amatsiko ni yose ku kureba uko amakipe bihebeye araza kuba yitwara ku munsi wa mbere wiri rushanwa risigaye rikinwa mu buryo butandukanye nuko ryakinwaga mbere ndetse abakunzi ba ruhago bakaba biteguye kubona imikino iryoheye ijisho muri rusange nkuko bisanzwe muri iyi mikino ya Uefa Champions League.
Dore imwe mu mikino iteganijwe kuza kuba kuri uyu munsi tariki ya 16 Nzeri 2025:
* Athletic Club vs Arsenal – 18:45 PM
* PSV Eindhoven vs Union Saint-Gilloise – 18:45 PM
* Juventus vs Borussia Dortmund – 21:00 PM
* Real Madrid vs Olympique Marseille – 21:00 PM
* Benfica vs Qarabağ – 21:00 PM
* Tottenham Hotspur vs Villarreal – 21:00
Iyi ikaba ari imikino iraba kuri uyu munsi mu gihe no ku munsi w’ejo tariki ya 17 Nzeri 2025 hateganijwe indi mikino itandukanye muri iri rushanwa riba ritegerejwe n’abakunzi b’umupira w’amaguru benshi cyane mu mpande zose zigize iyisi yacu.
Irushanwa rya Uefa Champions League riheruka ryegukanwe n’ikipe ya Paris saint-Germain, Ni nyuma yo kunyagira ikipe ya Inter Milan bari bahuye ku mukino wa nyuma ibitego bitanu ku busa mu mukino abafana benshi batangaje ko utari uryoheye ijisho bitewe nuko wabonaga hakina ikipe ya PSG yonyine.
