Uko amakipe azahura mu mikino ya 1/4 muri UEFA Champions League byamaze kumenyekana
Mu gihugu cy’Ubusuwisi mu mujyi wa Nyon ku cyicaro cya UEFA, habereye tombola y’imikino ya ¼ cya UEFA Champions League ku makipe yabonye itike mu minsi ishize.
Iyi tombora ikaba yari itegerejwe n’abantu batari bacye kuko harimo amakipe afite abakunzi benshi hano kuri uyu mubumbe dutuyeho ndetse ayandi akaba ari ibikomerezwa cyane cyane mu irushanwa rya UEFA Champions League.
Nkuko tombora yaragenze birangiye Ikipe ya Real Madrid yo muri Espagne itomboye ikipe ya Liverpool yo mu bwongereza, ikipe ya Bayern Munich yo mu Budage ifite igikombe giheruka yatomboye kuzakina na PSG yo mu Bufaransa bahuye ku mukino wa nyuma, hakaza ikipe ya FC Porto yo muri Portugal yatomboye kuzahura n’ikipe ya Chelsea yo mu Bwongereza ndetse n’ikipe ya Manchester City yo mu Bwongereza izakina n’ikipe ya Dortumund yo mu gihugu cy’Ubudage.
Imikino ibanza ya 1/4 kirangiza izaba tariki ya 6 niya 7 Mata 2021, naho imikino yo kwishyura izaba tariki ya 13 niya 14 Mata 2021, imikino ibanza ya 1/2 iteganijwe kuba tariki 27 na 28 Mata 2021, mu gihe iyo kwishyura izaba tariki 4 niya 5 Gicurasi 2021, umukino wa nyuma uteganijwe kubera mu gihugu cya Turikiya mu mujyi wa Istanbul tariki 29 Gicurasi 2021 kuri Stade yitwa Atatürk Olympic Stadium.
