Uko icyorezo cya Coronavirus gihagaze mu karere ka Afurika y’iburasirazuba kugeza ubu

Icyorezo cya coronavirus cyagaragaye bwa mbere muri Afurika y’iburasirazuba, guhera mu kwezi kwa Gashyantare muri uyu mwaka wa 2020, kugeza uyu munsi iki cyorezo gikomeje kongera umuvuduko ndetse abantu baribaza aho ingamba zo kukirwanya zigeze zishyirwa mu bikorwa.

Rwanda

Minisiteri y’ubuzima yatangajeko kuri uyu wa Kane mu Rwanda hagaragaye abarwayi bashya 21 banduye coronavirus mu bipimo 3,737 byafashwe, mu gihe abakize iki cyorezo uyu munsi bagera kuri 13.

Ibi byatumye umubare w’abamaze kwandura iki cyorezo ugera kubantu 1063, abamaze gukira iki cyorezo mu Rwanda ni abantu 493, mu gihe abamaze guhitanwa niki cyorezo ari abantu 3 barimo umwe watangajwe kuwa gatatu w’iki cyumweru turimo, hakaba hamaze gufatwa ibipimo 151,641 kuva iki cyorezo cyagera mu Rwanda. Bimwe mu bikorwa byari byarafunzwe byemerewe gufungura gusa akarere ka rusizi n’imidugudu imwe yo mu mujyi wa Kigali iracyari muri gahunda ya Guma mu rugo.

Burundi

U Burundi ni kimwe mu bihugu bya Afurika y’ibirasirazuba bivugwamo amakuru ya coronavirus gake gashoboka, kugeza ubu mu Burundi habarurwa abarwayi ba coronavirus bagera ku 170, umubare w’abakira ntuzwi neza.

Nyuma y’indahiro y’umukuru w’igihugu mushya, Bwana Perezida Evariste Ndayishimiye yatangajeko ko umwanzi wa mbere w’igihugu cy’uburundi ari icyorezo cya coronavirus,bityo ingamba zo kucyirwanya zigomba gukazwa.

Uganda

Kuva umuntu wa mbere agaragaye mugihugu cya Uganda, hamaze kuboneka abantu banduye coronavirus bagera kuri 889. Muri iki gihugu nta muntu n’umwe iki cyorezo kirahitana. Umubare w’abakira nawo ntutangazwa. Banki y’isi iherutse guha inkunga iki gihugu ya miliyoni 300 z’amadorari agamije gufasha mu kuzahura ibikorwa byazahajwe bikomeye n’ingaruka z’iki cyorezo cya coronavirus.

Kenya

Kenya ni cyo  gihugu cya mbere muri Afurika y’iburasirazuba kamaze kugaragaramo umubare munini w’abanduye icyorezo cya coronavirus. Kugeza ubu abamaze kwandura iki cyorezo muri Kenya baragera ku 6,673, abamaze guhitanwa nacyo bakaba bagera ku 149.

Kugeza ubu mu gihugu cya kenya abamaze gukira iki cyorezo bagera ku 2089. Kuwa gatatu w’iki cyumweru muri iki gihugu hafashwe ibipimo 3,591 habonekamo abarwayi bagera kuri 307 n’kuko byatangajwe na Dr Rashid Aman, umuyobozi wungirije mukigo cy’ubuzima muri Kenya.

Zimwe mu ngamba kenya yafashe, harimo ko uwarenze ku mabwiriza yo kwirinda iki cyorezo ashobora kuraswa igihe bibaye ngombwa.

Tanzaniya

Tanzaniya ni kimwe mu bihugu bya Afurika y’iburasirazuba kigenda biguru ntege mu kurwanya iki cyorezo, kuko mu gufata ingamba zo guhashya coronavirus cyabigenzemo gake.

Kugera kuri ubu muri Tanzaniya haraburwa abarwayi bagera kuri 509, abagera kuri 21 bahitanywe niki cyorezo. Muri iki gihugu cya Tanzaniya ibikorwa byinshi birakora ntibyigeze bifunga, kuko n’amashuri yari afunze yamaze gufungurwa ubu abanyeshuri bariga ntakibazo, mu gihe mu bindi bihugu nk’urwanda hari ibikorwa byinshi bigifunze harimo n’amashuri.

Sudani y’epfo

Muri Sudani y’epfo, Minisiteri y’ubuzima iratangazako hamaze kugaragara abarwayi banduye icyorezo cya coronavirus bagera ku 2,007. Iki gihugu gifite imbogamizi zo kuba nta bikoresho bihagije gifite byo kuba cyakwifashisha mu gupima icy icyorezo cya coronavirus cyugarije iyi si.

Raporo y’umuryango w’Abibumbye iherutse gushyira Sudani y’epho mu bihugu bidafite ubushobozi buhagije bwo gupima coronavirus.