Umutoza wa Barcelona Ronald Koeman yavuze ko abona bigoye kuzatwara shampiyona uyu mwaka
Umugabo ukomoka mu gihugu cy’ubuholandi usanzwe atoza ikipe ya Fc Barcelona yo mu gihugu cya Espagne, uwo ntawundi ni Ronald Koeman yatangaje ko abona bizagorana uyu mwaka ku kuba ikipe ya Barcelona yakwegukana igikombe cya shampiyona ya La Liga, bitewe n’uburyo iyi kipe ikomeje kwitwara muri shampiyona.
Ni nyuma y’umukino ikipe ya Barcelona yaraye inganijemo n’ikipe ya Eibar mu ijoro ryashize igitego kimwe kuri kimwe, Brcelona yatsindiwe na Osmane Dembele mu mukino kizigenza Lionel Messi atigeze agaragaramo kubera akabazo k’imvune gusa bivugwako yari yaruhukijwe ku bushake, muri uyu mukino ikipe ya Barcelona ikaba yahushije penaliti yari itewe na Martin Braithwaite akaza kuyita hanze y’izamu.
Mu kiganiro n’itangazamakuru nyuma y’umukino, umutoza w’ikipe ya Barcelona Ronald Koeman yabwiye abanyamakuru ko abona bigoye cyane kuba ikipe abereye umutoza ishobora kuzegukana igikombe cya shampiyona kuko iri kugenda itakaza amanota menshi kandi bitari bikwiye bityo rero kubona igikombe ngo biragoye cyane kuri Barcelona.
Kugeza ubu ikipe ya Fc Barcelona ihagaze ku mwanya wa gatandatu n’amanota 25, inyuma y’amakipe nka Atletico Madrid ya mbere , Real Madrid ya Kabiri, Real Sociedad ya gatatu, Fc Sevilla ya kane ndetse n’ikipe ya Villarreal iri ku mwanya wa gatanu.
