Abaganga b’ikipe ya Barcelona batangaje ko Coutinho agiye kumara amezi 5 hanze y’ikibuga

Umukinnyi wo hagati mu kibuga ukomoka mu gihugu cya Brazil Philippe Coutinho , usanzwe akinira ikipe ya Barcelona, agiye kumara hanze y’ikibuga amezi agera kuri atanu kubera ikibazo cy’imvune.

Nkuko abaganga b’ikipe ya Barcelona babitangaje nyuma y’isuzuma bakoreye uyu mukinnyi, bavuze ko agiye kumara igihe kingana n’amezi atanu adakina kubera imvune yagiriye ku mukino ikipe ya Barcelona yanganyijemo n’ikipe ya Eibar.

Kugeza ubu Philippe Coutinho yari amaze gukinira ikipe ya Barcelona imikino 90 atsinda ibitego 24 kuva yayigeramo , avuye mu ikipe ya Liverpool mu mwaka wa 2018, n’ubwo yaje gutizwa mu ikipe ya Bayern Munich banatwaranye irushanwa rya UEFA Champions League.