Abakinnyi ba Simba Sc bongeye guhabwa agahimbazamusyi gatubutse n’umuherwe wabo
Abakinnyi b’ikipe ya Simba SC yo mu gihugu cya Tanzaniya bongeye guhanbwa agahimbazamusyi gatubutse nyuma yuko bitwaye neza mu mikino ya CAF Champions League bagatsinda ikipe ya Al Merrikh yo mu gihugu cya Sudan ibitego 3-0.
Umuherwe w’ikipe ya Simba SC usanzwe anayobora iyi kipe witwa Mohammed Dewji kwita Mo, niwe watanze agahimbazamusyi ku bakinnyi b’ikipe abereye umuyobozi yahaye abakinnyi be agahimbazamusyi nubwo atari ubwa mbere ahaye amafaranga abakinnyi abashimira kwitwara neza bagahesha ikipe yabo itsinzi.
Mohammed Dewji umuherwe w’ikipe ya Simba SC akaba yatanze amafaranga angana na Miliyoni 250 z’amashilingi ya Tanzaniya nk’agahimbazamusyi ku bakinnyi ndetse n’abatoza nyuma yo gutsind ikipe ya Al Merrikh ibitego 3-0 umukino wabereye mu gihugu cya Tanzaniya.
Ikipe ya Simba SC iherereye mu itsinda rya mbere, aho iri kumwe n’amakipe atatu arimo ikipe ya Al Merrikh yo mu gihugu cya Sudan, hakaza ikipe ya As Vita Club yo muri Congo Kinshasa ndetse ya Al Ahly yo mu gihugu cya Misiri, iri tsinda rikaba rikomeje kuyoborwa n’ikipe ya Simba SC n’amanota 10 ndetse ikaba yaramaze no kubona itike yo kuzakina imikino ya ¼ cy’irangiza muri CAF Champions League.
