Amerika: Ingagi yapimwe Coronavirus nyuma yo kujyanwa mu bitaro imaze gukubitwa na murumuna wayo
Ingagi yitwa Shango yarwanye intambara ikomeye na murumuna wayo muri pariki. Muri iyi mirwano ikomeye byarangiye Shango ikomeretse cyane mu kiganza. Nyuma yo kujyanwa kwa muganga byatumye iyi ngagi ihita inapimwa ubwandu bushya bwa coronavirus.
Shango, ifite imyaka 31 y’amavuko. Ni imwe mu ngagi zituye muri Zoo ya Miami muri Amerika. Mu ntangiriro z’iki cyumweru, nibwo Shango yagiranye amakimbirane na murumuna wayo, Barney, barwanye karahava Shango ikomerekera muri icyo gikorwa. Shango yarumwe ikiganza kandi inaribwa n’izindi ngingo nk’uko amakuru ya TMZ abihamya.
Kugira ngo Shango ivurwe byihuse kandi ikomeze kugira umutekano, bahise bayipimisha urukingo rwa “rona”. Itsinda ry’abaveterineri bari kugerageza ibishoboka byose ngo basubize Shango mu buzima yari isanzwemo ndetse bite no ku bikomere yageze bikire vuba.
TMZ ikomeza ivuga ko Shango yapimwe na Coronavirus mu kureba niba Ingagi zindi ziba muriyo Zoo, zitaba zirwaye Covid-19, ibipimo byerekanye ko nta bwandu bushya bwa Covid Shango ifite. Nk’uko abakozi ba pariki babitangaza.
Inyamaswa zishobora kwandura virusi nazo nk’abantu, kikaba ari ikintu inyamaswa zo mu bwoko bw’Ingagi. Inguge n’izindi zigomba kuba zatera impungenge ko nazo ziri mu zakwandura ibyorezo zikaba zanabikwirakwiza.
