Mu mukino utari woroshye n’agato, ikipe ya Arsenal yegukanye cya Community Shield itsinze ikipe ya Manchester City kuri Penaliti.
Ni umukino watangiye ku isaha ya saa kumi n’imwe zuzuye, ukaba waberaga kuri Wembley stadium, ni umukino wagombaga guhuza ikipe ya yatwaye igikombe cya shampiyona ndetse n’ikipe yatwaye igikombe cya FA cup.
Kubera ko ikipe ya Manchester City ariyo yegukanye ibikombe byombi yaba shampiyona ndetse na FA cup itegeko rivuga ko igomba guhita ihura n’ikipe yabaye iya kabiri ariyo Arsenal.
Uyu mukino watangiye ubona amakipe yombi arimo kwigana umupira ukinirwa mu kibuga hagati cyane ubona nta kipe ishaka kugera ku izamu ry’iyindi nubwo Arsenal yanyuzagamo ikataka aho yanabonye uburyo bubiri bwa Kai Havertz ariko ntabubyaze umusaruro.
Mu gice cya kabiri amakipe yombi yakoze impinduka zitandukanye ndetse zaje no kubyara umusaruro, kuko ku ruhande rwa Manchester City umukinnyi Palmer yatsinze igitego nyuma y’uko asimbuye ndetse na Trossard ku ruhande rwa Arsenal yaje gutsinda igitego cyo kwishyura maze iminota isanzwe irangira amakipe yombi anganya 1-1.
Nyuma y’uko iminota isanzwe y’umukino itangiye amakipe yombi anganya, hahise hakurikiraho Penaliti maze ikipe ya Arsenal yegukana igikombe itsinze ikipe ya Manchester City Penaliti 4-1.
