Ishyirahamwe mpuzamahanga ry’ibarurisha mibare ku mupira w’amaguru(IFFHS)ryatoye Lionel Messi nk’umukinnyi mwiza w’imyaka 10 ishize

Rutahizamu w’ikipe ya Barcelona ndetse n’ikipe ya Argentine Lionel Messi yamaze gutorwa nk’umukinnyi wahiZe abandi mu myaka icumi ishize, aho yatowe n’ishyirahamwe mpuzamahanga ry’ibarurisha mibare ku mupira w’amaguru(IFFHS), maze mugenzi we Christiano Ronaldo aza ku mwanya wa kabiri.

Ibi bibaye nyuma yaho mu minsi ishize Rutahizamu Christiano Ronaldo uhora hanganye cyane na Lionel Messi nawe yari yatowe nk’umukinnyi w’ikinyejana, kuri ubu rero iri Shyirahamwe mpuzamahanga ry’ibarurisha mibare ku bijyanye n’umupira w’amaguru naryo rikaba ryamaze gusohora urutonde rw’abakinnyi bahize abandi mu myaka icumi ishize, urutonde ruyobowe n’umunya Argentine Lionel Messi.

Lionel Messi umaze kwandika amateka menshi cyane mu mupira w’amaguru kw’isi, hari benshi badatinya kuvuga ko ibyo amaze gukora ntawundi wari wabikora kuva isi yabaho, kugeza ubu amaze kwegukana imipira ya zahabu 6 izwi nka Ballon D’or, yafashize ikipe ya Barcelona kwegukana ibikombe bitandukanye ndetse yagiye yegukana n’ibihembo byinshi bitandukanye nk’umukinnyi ku giti cye.

Dore urutonde rw’abakinnyi icumi ba mbere mu myaka 10 ishize:

1. Lionel Messi                           Barcelona
2. Christiano Ronaldo                 Juventus
3. Andre Iniesta                          Vissel Kobe
4. Neymar Jr                               PSG
5. Sergio Ramos                         Real Madrid
6. Manuel Neuer                        Bayern Munich
7. Robert Lewandowski              Bayern Munich
8. Gianluigi Buffon                     Juventus
9. Zlatan Ibrahimovich               As Milan
10. Luka Modric                           Real Madrid