Asisat Oshoala yatowe nk’umukinnyi mwiza w’umunyafurika mu myaka 10 ishize mu bagore
Rutahizamu w’ikipe ya Barcelona y’abagore ndetse n’ikipe y’igihugu ya Nigeriya Asisat Oshoala yatowe nk’umukinnyi mwiza ukomoka muri Afurika mu myaka icumi ishize mu bagore, aho yatowe n’Ishyirahamwe mpuzamahanga ry’ibarurisha mibare n’amateka mu mupira w’amaguru.
Asisat Oshoala w’imyaka 27 y’amavuko usanzwe ukomoka mu gihugu Nigeriya akomeje kwitwara neza mu ikipe y’abagore ya Barcelona, kuko kugeza ubu kuva yayigeramo mu mwaka wa 2019 amaze kuyikinira imikino igera kuri 39 akaba amaze kuyitsindira ibitego 40, n’umukobwa wambara nimero 20 mu ikipe ya Barcelona y’abagore.
Uyu mukobwa wagiye yegukana ibihembo bitandukanye harimo, umukinnyi mwiza w’umunyafurika mu bagore inshuro enye, 2014, 2016, 2017 ndetse na 2019 mu bihembo bitangwa na CAF, uyu mukobwa yanyuze mu makipe atandukanye harimo, Fc Robo na Rivers Angels muri Nigeriya, Liverpool na Arsenal zo mu Bwongereza, Dalian Quanjian yo mu Bushinwa ndetse na na Barcelona arimo kugeza ubu.
