Miralem Pijanic yamaze kwerekwa itangazamakuru ahita anahabwa nimero 8 muri Barcelona

Umukinnyi wo hagati mu kibuga Miralem Pijanic ukomoka mu gihugu cya Bosnia , uherutse kugurwa n’ikipe ya Barcelona imukuye mu ikipe ya Juventus, yamaze kwerekwa itangazamakuru ryo mu gihugu cya Espagne ndetse ahita anahabwa nimero 8 azajya yambara.

Uyu mukinnyi ntabwo yatangiranye n’abandi imyitozo, kuko yari yarasanzwemo icyorezo cya coronavirusi, bityo we yabanje kwivuza ndetse aguma mu kato , ariko kuri ubu akaba yaramaze kugera mu gihugu cya Espagne ndetse akaba yahawe nimero 8 , nyuma yo kwerekwa itangazamakuru

Uyu mugabo w’imyaka 33, aje gufatanya n’abandi bakinnyi bakina hagati mu kibuga barimo, Phillipe Coutinho wagarutse avuye mu ntizanyo yarimo muri Bayern Munich, Sergio Busquet, Frank De jong, Luc piguin ndetse n’abandi.