Myugariro Rob Holding yongereye amasezerano mu ikipe ya Arsenal azamugeza muri 2024
Myugariro Rob Holding ukomoka mu gihugu cy’Ubwongereza usanzwe akinira ikipe ya Arsenal, yongereye amasezerano muri iyi kipe azamugeza mu mwaka wa 2024 agikinira iyi kipe ibarizwa mu mujyi wa London, nkuko byatangajwe n’ubuyobozi bw’ikipe ya Arsenal.
Nyuma yo kuva mvune yari amaranye igihe kirekire yari yaragiriye ku kibuga Old Trafford, uyu musore ukina mu mutima w’ubwugarizi akomeje kwitwara neza cyane, dore ko ari umwe mu bafashije ikipe ya Arsenal kwegukana igikombe cya FA Cup mu mwaka ushize wa 2021, aho yari yasibye umukino umwe watumye Arsenal yerekeza kuri Final ariko akaba yarakinnye iminota yose ku mukino wa nyuma, aho ikipe ya Arsenal yatsinze ikipe ya Chelsea kuri Stade ya Wembley.
Umuyobozi ushinzwe Tekiniki mu ikipe ya Arsenal Edu yagize ati” Turishimye cyane kuba Rob yasinye amasezerano mashya ni iby’agaciro kuri twebwe, aracyafite imyaka 25 urumva ko agifite igihe kinini cyo gukina kandi ni iby’agaciro kuba tumaranye nawe iyi myaka myiza yose ishize. Holding agaragaza imikinire myiza ndetse n’ubwenge bwinshi mu kibuga kandi akomeza kuzamura urwego uko bwije nuko bukeye”.
Umutoza Mikel Arteta we yagize ati” Kuva natangira gutoza ikipe ya Arsenal, nakomeje kugenda nshimishwa cyane n’umutahe wa Holding mu ikipe yacu haba mu kibuga ndetse no rwambariro ndetse no hanze y’ikibuga. Gukora cyane kwa Rob buri munsi mu myitozo nibyo biri gutuma akomeza kuzamura urwego rwe rw’imikinire kandi ndabimushimira cyane nk’umutoza we.
Kuva yagera mu ikipe ya Arsenal aturutse mu ikipe ya Bolton Wanderers mu kwezi kwa 7 muri 2016, Holding amaze gukina imikino 96 mu ikipe ya mbere ya Arsenal, akaba amaze gutwarana n’iyi kipe ibikombe 2 bya FA Cup ndetse n’ibikombe bya Community Shield kugeza ubu. Abakinnyi batandukanye mu ikipe ya Arsenal bakaba bagiye bamushimira kuba yongereye amasezerano muri iyi kipe y’i London.
