Lionel Messi ayoboye urutonde rw’abakinnyi beza mu kurema uburyo bwinshi bw’ibitego mu myaka 10 ishize
Rutahizamu w’ikipe ya Barcelona ukomoka mu gihugu cya Argentine Lionel Messi, niwe washyize ku mwanya wa mbere nk’umukinnyi wahize abandi mu myaka 10 ishize mu kurema uburyo bwinshi imbere y’izamu bubyara ibitego, aho yaje imbere y’abakinnyi nka Luca Modric, Iniesta , Neymar n’abandi.
Ni mu bushakashatsi bwakozwe n’ikigo gikora imibare ndetse n’impuzandengo y’imikinire y’abakinnyi cyitwa IFFHS nicyo cyakoze ubushakashatsi cyemeza ko umukinnyi w’ikipe ya Barcelona Lionel Messi umaze no kwegukana Ballon d’Or 6 ariwe mukinnyi wahize abandi bose mu myaka 10 ishize mu kurema kurema uburyo bwinshi bubyara ibitego.
Nkuko byatangajwe n’ikigo International Federation of Football History & Statistics (IFFHS),buri mwaka cyagiye gitangaza umukinnyi waremye uburyo bwinshi bwavuyemo ibitego kurusha abandi, maze giteranya abakinnyi bose gisanga Messi ariwe urusha abandi mu myaka 10 ishize.
Ubu buryo bwahaga amanota 20 umukinnyi wabaye uwa mbere buri mwaka, umukinnyi wa 2 akabona 19 naho uwa 3 agahabwa amanota 18, byatumye Lionel Messi ariwe ubona amanota menshi mu myaka 10 ishize, aho yagize amanota 174, akurikirwa na Andere Iniesta wagize 127 naho Luca Modric wa Real Madrid agira 113.
URUTONDE RW’ABAKINNYI 20 BAREMYE IBITEGO BYINSHI KURUSHA ABANDI
Lionel Messi – 174 points
Andres Iniesta – 127 points
Luka Modric – 113 points
Kevin De Bruyne – 103 points
Toni Kroos – 90 points
Eden Hazard – 77 points
Neymar – 71 points
Mesut Ozil – 69 points
Andrea Pirlo – 63 points
Yaya Toure – 60 points
Xavi Hernandez – 55 points
Cristiano Ronaldo – 54 points
David Silva – 52 points
James Rodriguez – 42 points
Bastian Schweinsteiger – 40 points
Christian Eriksen – 38 points
Riyad Mahrez – 38 points
Paul Pogba – 35 points
Thiago Alcantara – 33 points
Isco – 25 points
