Pep Guardiola yatowe nk’umutoza w’ukwezi kwa Mutarama muri shampiyona ya y’Abongereza
Umutoza w’ikipe ya Manchester City Pep Guardiola ukomoka mu gihugu cya Espagne mu ntara ya Catalonya, watoje amakipe nka Barcelona ndetse na Bayern Munich niwe wegukanye igihembo cy’umutoza mwiza w’ukwezi kwa Mutarama(Barclays Manager of the Month award) ahigitse abandi batoza bose bari bahanganiye iki gihembo.
Uyu mutoza akaba yegukanye iki gihembo cy’ukwezi kwa Mutarama 2021 ahigitse abatoza barimo Mikel Arteta utoza Arsenal wahoze yungirije Pep muri Manchester City, David Moyes utoza ikipe ya West Ham United ndetse n’umutoza Graham Potter utoza ikipe ya Brighton.
Uyu mugabo yegukanye iki gihembo agikwiriye cyane kuko yafashije ikipe ya Manchester City asanzwe atoza kwitwara neza mu kwezi kwa Muatarama ndetse we n’ikipe atoza bakaba bakomeje kwitwara neza, kuko kugeza ubu mu mikino itanu iheruka bamaze gukina nta mukino numwe bari batakaza cyangwa ngo bawunganye ahubwo yose barayitsinze.
Ikipe ya Manchester City uyu mugabo asanzwe atozwa, mu mukino iheruka gukina muri Shampiyona y’Abongereza tariki ya 7 Gashyantare 2021, yari yatsinze bikomeye cyane ikipe ya Liverpool itozwa n’umutoza Jurgen Klopp ibitego 4 kuri 1. kugeza ubu ikipe ya Manchester City akaba ariyo iyoboye urutonde rwa Shampiyona n’amanota 50 mu mikino 22 imaze gukina, ikaba ikurikiwe na mucyeba wayo Manchester United n’amanota 45 mu mikino 23 imaze gukina.
