Rutahizamu w’ikipe ya Barcelona Lionel Messi yamaze guhagarikwa imikino ibiri
Rutahizamu Lionel Messi ukomoka mu gihugu cya Argentine usanzwe ukinira ikipe ya Barcelona yo mu gihugu cya Espagne, yamaze guhagarikwa imikino ibiri adakina kubera ikarita y’umutuku yahawe ku mukino wa nyuma baheruka gukina n’ikipe ya Atletico Bilbao.
Messi wakoze ikosa ryo gukubita Rutahizamu w’ikipe ya Atletico Bilbao witwa Asier Villalibre ku munota wa nyuma w’umukino ubwo ikipe ya Barcelona yari yamaze gutsindwa ibitego 3-2, barimo gushaka uko bakwishyura igitego cya gatatu kugirango banganye bajye muri za Penaliti.
Uyu Rutahizamu akaba azasiba imikino ibiri, harimo umukino ikipe ya Barcelona izakina n’ikipe ya Cornella mu gikombe cy’umwami(Copa del Rey ) ndetse n’umukino wa shampiyona iyi kipe izakinamo n’ikipe ya Elche, bikaba bigiye kuba icyuho muri iyi kipe kuko mu mikino ibiri iyi kipe yakinnye idafite Messi yose yayinganije, harimo uwo banganije na Eibar muri Shampiyona ndetse na Real Sociedad muri Supercopa de Espagna.
