UEFA yashyize hanze urutonde rw’abakinnyi bazavamo abazahabwa ibihembo uyu mwaka rutarimo Christiano na Messi
Buri mwaka ishyirahamwe ry’umupira w’amaguru ku mugabane w’iburayi(Uefa),ritanga ibihembo ku bakinnyi bitwaye neza kurusha abandi ku mugabane w’iburayi, bikaba ariko bizanagenda uyu mwaka, aho ibihembo biteganijwe gutangwa tariki 1 Ukwakira 2020.
Uefa ikaba itanga ibihembo ku bakinnyi batandukanye bitewe n’umwanya bakinaho mu kibuga, aho bahemba umuzamu witwaye neza, Myugariro witwaye neza, umukinnyi wo hagati mu kibuga ndetse na Rutahizamu witwaye neza kurusha abandi Ku mugabane w’iburayi.
Kuri ubu rero Uefa ikaba yamaze gushyira urutonde hanze rw’abakinnyi bazavamo abazahabwa ibihembo uyu mwaka, aho ikipe ya Bayern Munich ariyo ifite umubare w’abakinnyi benshi 7, gusa icyatunguye abantu cyane nuko bya bihangage bibiri Messi na Christiano batagaragaye kuri urwo rutonde.
Abakinnyi bari guhatana:
Abanyezamu
Keylor Navas (Paris Saint-Germain), Manuel Neuer (Bayern), Jan Oblak (Atletico Madrid)
Ba Myugariro
David Alaba (Bayern), Alphonso Davies (Bayern), Joshua Kimmich (Bayern)
Abo Hagati
Kevin De Bruyne (Manchester City), Thomas Muller (Bayern), Thiago Alcantara (Bayern)
Ba Rutahizamu
Robert Lewandowski (Bayern), Kylian MbappE (Paris Saint-Germain), Neymar (Paris Saint-Germain).
Abakinnyi bose bari begukanye ibihembo umwaka ushize, nta numwe wabashije kugaragara kuri uru rutonde kuko abakinnyi benshi bari kuri uru rutonde nabo muri Bayern Munich na Paris saint Germain ifitemo abakinnyi batatu.
