Umugabo witwa Joan Laporta niwe watorewe kuyobora ikipe ya Barcelona
Umugabo w’imyaka 58 ukomoka mu gihugu cya Espagne witwa Joan Laporta niwe watorewe kuyobora ikipe ya Barcelona mu matora yabaye ku munsi wejo hashize tariki ya 7 Werurwe 2021.
Joan Laporta yatsinze amatora ya Perezida wa Barcelona aho yatowe ku kigereranyo cya 54%, uyu mugabo ntabwo ari ubwa mbere agiye kuyobora iyi kipe kuko mu mwaka 2003 kugeza mu mwaka wa 2010 nabwo yayoboye Barcelona.
Ubwo uyu mugabo yayoboraga ikipe ya Barcelona yayihesheje ibikombe byinshi bitandukanye harimo ibikombe bibiri bya UEFA Chamipons League, ibikombe bine bya shampiyona ya Espagne La Liga ndetse na Copa del Rey ndetse akaba yitezweho kongera gukora itandukaniro mu ikipe ya Barcelona idahagaze neza muri iyi minsi.
Uyu mugabo Joan Laporta akaba yatsinze amatora ahigitse abagabo babiri bari bahanganye nawe barimo Victor Font wabaye uwa kabiri akaba yatowe ku kigereranyo cya 30% ndetse n’umugabo witwa Toni Freixa wabaye uwa gatatu watowe ku kigereranyo cya 8.5%.
