Umukinnyi wa filimi Dwayne Johnson uzwi nka The Rock niwe uyoboye abandi mu kwinjiza agatubutse kuri Instagram
Icyamamare muri filimi Dwayne Johnson wamenyekanye cyane nka The Rock, ubwo yakinaga imikino njya rugamba(Wrestling). n’umugabo w’ibigango, uvuzeko atinywa na benshi ntiwaba wibeshye bitewe ningano ye,n’umukinnyi wa filimi ukunzwe nabatari bacye,akaba yaragiye agaragara muri filimi zitandukanye zirimo iyitwa Fast and Furious, Jumanji,Rampage nizindi nyinshi.
Mu mwaka wa 2018 The Rock yatowe nk’umugabo urusha abandi bagabo gukurura abagore cyane bitewe n’imiterere y’umubiri ndetse n’uburyo agaragara. kuri ubu niwe uyoboye abandi mu kwinjiza amafaranga menshi ku rubuga rwa instagram kurusha ibindi byamamare,aho ku butumwa bumwe bwamamaza ashyize kuri instagram yishyurwa byibuze agera kuri miliyoni imwe.
Uyu mwanya The Rock awukuyeho icyamamare muri Muzika ndetse akaba na Rwiyemezamirimo, Kylie Jenner wari uwumazeho imyaka 3. Kylie Jenner ubusanzwe afite abamukurikira bagera kuri miliyoni 182 mu gihe The Rock akurikirwa nabasaga 187.
Urutonde rw’ibyamamare 10 by’injiza amafaranga menshi ku rubuga rwa Instagram:
1. Dwayne ’The Rock’ Johnson, akurikirwa na miliyoni 187,akaba yinjiza miliyoni 1 y’amadorari.
2. Kylie Jenner, akurikirwa na miliyoni 182, yinjiza amadorari $986,000 ku butumwa bumwe.
3. Cristiano Ronaldo akurikirwa na miliyoni 225, yinjiza $889,000.
4. Kim Kardashian, akurikirwa na miliyoni 176, yinjiza $858,000.
5. Ariana Grande, Akurikirwa na miliyoni 191, yinjiza $853,000.
6. Selena Gomez, akurikirwa na miliyoni 180, yinjiza $848,000.
7. Beyoncé Knowles, Akurikirwa na miliyoni 149, yinjiza $770,000.
8. Justin Bieber, akurikirwa na miliyoni 139, yinjiza $747,000.
9. Taylor Swift, akurikirwa na miliyoni 135, yinjiza $722,000.
10. Neymar da Silva Santos Junior, akurikirwa na miliyoni 139, akinjiza $704,000.
