Calum Shaun Shelby watozaga ikipe ya Etencelles yamaze gutandukana nayo
Ikipe ya Etencelles yo mu Karere ka Rubavu, yamaze gutandukana n’uwari usanzwe ari umutoza mukuru wayo Calum Shaun Selby ukomoka mu gihugu cy’Ubwongereza nyuma yo gutsindwa n’ikipe ya Police Fc mu mukino wa mbere wa Shamiyona.
Ibi bije n’ubundi mbere y’uko shampiyona y’icyiciro cya mbere mu Rwanda itangira, uyu mutoza Calum Shaun Selby yari yarandikiye iyi kipe ya Etencelles ayisezeraho gusa nyuma baza kongera kumugarura, none nyuma y’umunsi umwe gusa wa shampiyona uyu mutoza akaba yamaze gutandukana n’iyi kipe ibarizwa mu karere ka Rubavu.
Nkuko uyu mutoza Calum Shelby yabitangaje, yavuze ko yahisemo gutandukana n’ikipe ya Etencelles kubera ko atishimiye uburyo ubuyobozi bw’ikipe bwivanze mu nshingano ze zirimo ibijyanye no guhitamo abakinnyi bagomba kujya mu kibuga ndetse n’abajya ku rupapuro rw’umukino.
Ikipe ya Etencelles yabaye ikipe ya kabiri itandukanye n’umutoza nyuma y’ikipe ya Kiyovu Sport yamaze gutandukana n’umutoza wayo mukuru Karekezi Olivier ku munsi wa mbere wa shampiyona.
Etencelles iherereye mu itsinda rya gatatu, aho iri kumwe n’ikipe ya AS Kigali, Police Fc ndetse n’ikipe ya Musanze Fc, umukino wa mbere ikipe ya Etencelles yakinnye yari yasuye ikipe ya Police Fc kuri Stade Amahoro, ukaba waraje kurangira ikipe ya Etencelles inyagiwe ibitego 5-1 n;ikipe ya Police Fc.
