Ese wari uziko umubare munini w’abandura ndetse bagahitanwa na coronavirus ari abagabo?? Sobanukirwa
Kugeza ubu isi yacu ikomeje kugarizwa n’icyorezo cya coronavirus , aho iki cyorezo gikomeje guhitana umubare munini w’abantu ndetse abatuye uyu mubumbe bakaba bakomeje kwibaza amaherezo yacyo.
Uko iminsi igenda yicuma niko iki cyorezo kigenda kiyongera , ndetse imibare y’abandura n’abahitanwa nacyo igakomeza kwiyongera Ku bwinshi.
Kugeza uyu munsi kw’isi harabarurwa abantu banduye coronavirus barenga miliyoni 24, mu gihe abakize iki cyorezo barenga miliyoni 16, naho abamaze guhitanwa nacyo bakaba barenga ibihumbi 824.
Hari ikintu abantu benshi bashobora kuba batazi, kijyanye n’uko umubare munini w’abandura ndetse n’abakomeje guhitanwa n’icyorezo cya coronavirus ari abagabo kurusha abagore.
Ubushakashatsi bwagaragaje ko impamvu abagabo aribo bakunze kwandura ndetse bagahitanwa Niki cyorezo kurusha abagore, ari ukubera ko abagabo bafite ubudahangarwa bukeya ndetse n’ubwirinzi bw’umubiri mu guhangana n’ibyorezo buri hasi cyane kurusha abagore.
Ikindi abashakashatsi bagaragaje ko impamvu abagabo bibasirwa cyane na coronavirus ikunze kwibasira ibihaha, ari ukubera ko iyo urebye ahanini usanga abagabo bakunda kunywa itabi cyn kurusha abagore.
Bakomeza bavuga ko abagabo iyo barwaye batinda kwivuza, bakihagararaho bya kigabo, mu gihe abagore bihutira kujya kwa muganga igihe bumvise batameze neza batabanje gutegereza kubona ibimenyetso runaka.
Mu bindi nuko iyo urebye usanga icyorezo cya Covid-19 , gikunze kwibasira abantu bakunda gukora ingendo cyane, kandi usanga igitsina gabo gikunze gukora ingendo cyane kurusha igitsina gore bituma abagore batandura cyane.
Urugero mu gihugu cyacu cy’Urwanda, icyorezo cya coronavirus kimaze guhitana abantu bagera kuri 15, kandi iyo urebye usanga hafi 95% by’umubare munini w’abamaze kwitaba Imana ari igitsina Gabo kurusha igitsina gore.
Dukomeze kwirinda ndetse no kurwanya iki cyorezo cya coronavirus, twambara agapfukamunwa n’amazuru kandi dukabara intoki n’amazi meza n’isabune, kandi twibuka no gusiga metero imwe cg irenga hagati yawe n’undi muntu.
