Icyamamare mu mukino wa Basketball Russell Westbrook yanduye Coronavirus
Nkuko byatangajwe n’ikipe ya Houston Rockets, Russell Westbrook usanzwe ari inkingi ya mwamba muri iyi kipe yamaze kwandura icyorezo cya Coronavirus, nyuma yuko hafashwe ibipimo bagasanga yaranduye icyi icyorezo.
Uyu musore usanzwe akinira ikipe ya Houston Rockets, ikina muri shampiyona ya Basketball muri Amerika(NBA),yageze muri iyi kipe mu mwaka ushize wa 2019, avuye mu ikipe ya Oklahoma City Thunder yakiniye kuva mu mwaka wa 2008 kugeza muri 2019, mbere yuko yerekeza muri iyi kipe ya Houston Rockets.
Nkuko bitangazwa n’umutoza w’iyi kipe ya Houston Rockets, Mike D’Antoni, yavuzeko kuba Russell yanduye Coronavirus, ari icyuho bagiye kugira mu ikipe yabo, kuko ari umukinnyi usanzwe afasha iyi kipe cyane kuva yayigeramo afatanije n’abandi bakinnyi bakinana muri iyi kipe ya Houston barimo na James Harden.
Biteganijwe ko shampiyona ya Basketball muri Leta z’unze ubumwe z’Amerika(NBA), Nta gihindutse igomba kuzasubukurwa tariki ya 22 Nyakanga 2020, ni nyuma yuko yari yahagaritswe bitewe n’icyorezo cya coronavirus gikomeje kugariza Amerika ndetse n’isi yose muri rusange.
