Isura nshya ya Stade Amahoro ivuguruye yakira ibihumbi 40 itwikiriye hose imirimo igiye gutangira vuba

Stade Amahoro yari isanzwe yakira abasaga ibihumbi 23 birengaho igiye kuvugururwa ijye yakira ibihumbi 40 ndetse akarusho nuko izaba itwikiriye hose.

Imirimo yo kuvugurura iyi stade iba yaratangiranye n’intangiriro z’uku kwezi ku Gushyingo, MINISPOC yari yatanze tariki ya 20 Ukwakira kuba abakoreramo bose bavuyemo kugira ngo itangire kuvugururwa, gusa bamwe basa nabagowe kubona aho bimukira ari nayo mpamvu imirimo yo kuyivugurura itaratangira biteganyijwe ko abantu bose bafite ibiro nibamara kubonerwa aho gukorera imirimo aribwo izatangira.

Si Stade Amahoro gusa izavugururwa kuko na Stade nto izwi nka Petit Stade nayo izavugururwa hakiyongeraho ikibuga cy’umupira wamaguru kizubakwa ahasanzwe higishirizwa imodoka inyuma nubundi ya Stade Amahoro.

Inshingano zo kuvugurura iyi stade zikaba zarahawe kompanyi yo muri Turikiya ya Summa ari yo yanubatse Kigali Arena, biteganyijwe ko iyi Stade izatahwa mu mpenshyi ya 2020.