Sobanukirwa uko wakoresha inkari zawe wivura cyangwa wikingira

Inkari mu buvuzi gakondo bw’abahinde ndetse n’abaroma ba kera, zahabwaga umwanya w’imbere mu kurinda no kuvura indwara zinyuranye zaba iz’uruhu ndetse na kanseri zinyuranye.

UBUSHAKASHATSI BWA VUBA BWAGARAGAJE KO GUKORESHA INKARI ZAWE BWITE BY’UMWIHARIKO IZA MU GITONDO BIFITE UMUMARO KU BUZIMA BWAWE.

Gusa mbere yo gukoresha inkari nk’umuti cyangwa urukingo, banza umenye neza ko utarwaye indwara ziterwa na bagiteri cyangwa imiyege. Muri zo twavuga imitezi, mburugu, trichomonas, vaginitis, n’izindi zishobora kwandurira mu mibonano.

Reka turebere hamwe ibyagaragajwe n’ubushakashatsi

• Gukoresha inkari za mu gitondo mu koza amenyo biyakuraho ingese akererana. Ibi biraterwa nuko muri zo dusangamo ammonia, ikaba ikoreshwa mu kuvana ingese n’ibizinga ahantu.

• Abagore bari mu gihe cyo gucura inkari zabo ziba zikungahaye ku misemburo itera uburumbuke. Niho bahereye bakora Menopur na Pergonal, imiti itangwa mu kuvura ubugumba

Kunywa inkari za mu gitondo bituma wirirwa utuje kandi ugatekereza neza. Biterwa na melatonin iba yayunguruwe mu maraso nijoro, igasohoka mu nkari

• Inkari iyo zakozwe n’impyiko nzima ziba zidafite inenge cyangwa ubwandu. Ziroza zikanomora igikomere.
  Nkuko twabibonye 95% ni amazi. Ibisigaye ni imisemburo n’imyunyungugu nkuko twabivuze. Rero kuzikaraba mu maso by’umwihariko cyangwa umubiri wose muri rusange, bikiza ibiheri n’iminkanyari uruhu rugahorana itoto.

Si ibyo gusa kuko zifasha mu guhangana na kanseri zinyuranye, indwara z’uruhu nk’ise n’imyate n’amaribori, igifu, diyabete n’umwijima, ndetse zikanavura indwara ziterwa na mikorobi zikongererera ingufu abasirikare b’umubiri.

Gusa ukizikoresha utarazimenyera ushobora kugira isesemi, umutwe cyangwa gucibwamo, ariko byo ubwabyo birikiza iyo umaze kumenyera.
Ikirahure cyazo buri gitondo cyagufasha muri ibi tuvuze haruguru.
Utabashije kuzinywa zonyine wavangamo utuzi.

TWIBUTSEKO ARI INKARI ZAWE BWITE KANDI UKABA UTARWAYE NTA N IMITI URI GUFATA.

Ntitwasoza tutavuze ko inkari ari ifumbire nziza ku mboga, zikoreshwa usukura amakaro n’ibindi byose bikoze muri ceramic.

Gusa mbere yo kuzikoresha ugomba kumenya niba nta ndwara waba urwaye ku buryo ishobora gutuma inkari unywa zagutera ikindi kibazo.