Alex Iwobi yatangaje ko aticuza kuba yaravuye mu ikipe ya Arsenal
Umukinnyi wo ku mpande mu ikipe ya Everton ndetse n’ikipe y’igihugu ya Nigeria Alex Iwobi, yatangaje ko aticuza kuba yaravuye mu ikipe ya Arsenal yahoze akinira kuko ngo kuva ahantu hamwe ukajya ahandi ari ibintu bisanzwe bibaho cyane.
Alex Iwobi yavuye mu ikipe ya Arsenal yerekeza mu ikipe ya Everton itozwa n’umutoza Carlo Ancelotti mu mwaka wa 2019, uyu mukinnyi yasohotse mu ikipe ya Arsenal yari amazemo imyaka igera kuri 15, aho yayikiniye imikino igera ku 149 agatsinda ibitego 15 ndetse akaba yaratwaranye n’iyi kipe igikombe cya FA Cup mu mwaka wa 2017.
Uyu musore w’imyaka 24 y’amavuko, yavuze ko aticuza kuba ataragumye mu ikipe ya Arsenal ahubwo agahitamo kwerekeza mu ikipe ya Everton, aho yagize ati” ntabwo mbyicuza kuko buriya igihe cyari kigeze ngo ngende kuko hari haje umutoza mushya muri Arsenal Unai Emery, uburyo bwo gukina bwahise buhinduka ndetse nanjye uko nakinishwaga birahinduka ntangira kubura umwanya wo gukina birangira ngiye gutyo”.
Yakomeje agira ati” simbyicuza nubwo ari nakuriye, bakaba barangize uwo ndiwe ubu ari sinkwiriye kwicuza kuko n’ubuzima kandi burazenguruka ntabwo nari kuguma hariya ubuzima bwose”.
