Colombia: Leta yatangaje ko uwari Minisitiri w’ingabo yahitanwe na Coronavirus
Mu gihugu cya Colombia uwari Minisitiri w’ingabo Carlos Holmes Trujillo yamaze kwitaba Imana azize icyorezo cya Coronavirus, nkuko byatangajwe na Leta y’icyo gihugu.
Nkuko byatangajwe na Leta y’igihugu cya Colombiya, Carlos Holmes Trujillo wari Minisitiri w’ingabo yari amaze iminsi arwaye icyorezo cya Coronavirus, dore ko byavuzwe ko iki cyorezo cyamufashe mu ntangiriro z’uku kwezi turimo kwa Mutarama 2021, none kikaba cyamutwaye ubuzima.
Carlos Holmes Trujillo yitabye Imana afite imyaka 70 y’amavuko, kuko yavutse tariki ya 23 Nzeri 1951 ndetse akaba yari afite impamyabushobozi mu mategeko ndetse na politiki, yabaye Minisitiri w’ingabo mu mwaka wa 2019 asimbuye Guillermo Botero Nieto, mbere yo kugirwa Minisitiri w’ingabo akaba yari asanzwe ari Minisitiri w’ububanyi n’amahanga w’igihugu cya Colombiya.
Kugeza ubu mu gihugu cya Colombiya harabarurwa abantu basaga 2 027 746 bamaze kwandura icyorezo cya Coronavirus, mu gihe abagera ku bihumbi 51 747 bamaze guhitanwa niki cyorezo naho abantu basaga 1 849 194 aribo bamaze gukira icyorezo cya coronavirus. umurwa mukuru Bokota akaba ariwo wibasiwe cyane kuko umaze kugira abantu 595 731 bamaze kwandura.
