Ikipe ya PSG yavunikishije Neymar Jr mbere yo guhura n’ikipe ya Barcelona
Ikipe ya Paris Saint- Germain yo mu gihugu cy’Ubufaransa yamaze kuvunikisha Rutahizamu Neymar Jr mbere yo guhura n’ikipe ya Barcelona muri UEFA Champions League, mu mukino bakinaga ku mugoroba wejo hashize tariki ya 10 Gashyantare 2020 ubwo bakinaga n’ikipe ya Caen mu gikombe k’igihugu.
Ni umukino baraye basezereyemo ikipe ya Caen bayitsinze igitego 1-0 cyatsinzwe na Rutahizamu Moise Kean ku mupira mwiza yahawe na Neymar Jr mbere y’uko asohoka mu kibuga amaze kuvunika ku munota wa 62 w’umukino.
Iyi mvune Neymar Jr yagize ishobora kuzatuma adakina umukino ikipe ye ya PSG izakina n’ikipe ya Barcelona kuwa kabiri utaha mu mikino ya Champions League, uyu munsi akaba aribwo biraza kumenyekana uko imvune y’uyu musore ihagaze niba azakina cyangwa atazakina uriya mukino bazahura n’ikipe yahoze akinira ya Barcelone.
Neymar yavuye mu ikipe ya Barcelone mu mwaka wa 2017 nyuma yo kugurwa na PSG akayabo ka Miliyoni zirenga 200, kuva icyo gihe uyu mukinnyi ntabwo yari yakina umukino n’umwe n’iyi kipe yahozemo yo ntara ya Catalogna, gusa bikaba bivugwa ko amahirwe menshi ari uko atazakina uyu mukino ubanza muri Champions League.
