Mauricio Pochettino yamaze kugirwa umutoza mushya w’ikipe ya PSG
Umugabo ukomoka mu gihugu cya Argentine Mauricio Pochettino ,wari umaze igihe nta kazi afite nyuma yo kuva mu ikipe ya Tottenham, yamaze kugirwa umutoza mushya w’ikipe ya Paris Saint-Germain yo mu Bufaransa.
Ibi bibaye nyuma y’uko ikipe ya Paris Saint-Germain yirukanye uwari usanzwe ari umutoza wayo, umudage Thomas Tuchel washinjwe umusaruro utari mwiza, nyuma y’uko ananiwe gutsinda ikipe ya Lille ndetse yarananiwe kwegukana UEFA Champions League aho yageze ku mukino wa nyuma.
Kuri ubu rero ubuyobozi bw’ikipe ya PSG bukaba bwamaze kwemeza Pochettino nk’umutoza mushya w’iyi kipe, isanzwe ibarizwa mu mujyi wa Paris mu gihugu cy’Ubufaransa, ikaba yakirira imikino yayo kuri stade ya Parc de Prince.
Uyu mutoza akaba yahawe inshingano zo gutwara ibikombe byose bikinirwa mu Bufaransa nkuko basanzwe babigenza ndetse no kwegukana igikombe kiruta ibindi ku mugabane w’iburayi cya Champions League.
Mauricio Pochettino ubwo aheruka muri Tottenham yari yayigejeje ku mukino wa nyuma wa Champions League aho batsinzwe n’ikipe ya Liverpool ihita ibatwara igikombe.
