Real Madrid yatangaje ko Eden Hazard agiye kumara hanze y’ikibuga ukwezi kurenga kubera imvune
Ikipe ya Real Madrid yo mu gihugu cya Espagne, yamaze gutangaza ko Rutahizamu wayo Eden Hazard ukomoka mu gihugu cy’Ububirigi agiye kumara hanze y’ikibuga hagati y’ibyumweru bine na bitandatu kubera ikibazo cy’imvune yagize mu mikaya.
Nkuko byashyizwe hanze binyuze mu itangazo ikipe ya Real Madrid yanyujije ku mbuga nkoranyambaga zayo, bavuze ko Rutahizamu Eden Hazard yagize ikibazo cy’imvune mu mikaya(Psoas Muscle injury) ubwo bari mu myitozo yiyi kipe, bikaba bigiye gutuma uyu mukinnyi amara hanze y’ikibuga igihe kiri hagati y’ibyumweru bine na bitandatu adakina ndetse akaba atazagaragara mu mukino wa Champions League bafitanye n’ikipe ya Atlanta.
Ntabwo ari ubwa mbere uyu mukinnyi Eden Hazard agize ikibazo cy’imvune kuko kuva yagera mu ikipe ya Real Madrid avuye mu ikipe ya Chelsea mu mwaka wa 2019, amaze kugira imvune zigera kuri 11, imvune zikaba zikomeje kumwibasira bituma atagaragara mu mikino myinshi ikipe ya Real Madrid ikina, aho kugeza ubu kuva yagera muri iyi kipe amaze gukina imikino 35 atsinda ibitego 4 byonyine umusaruro mubi kuri Eden Hazard kuva yatangira gukina umupira w’amaguru.
