Ubwoko bushya bw’icyorezo cya Coronavirus bwagaragaye mu Rwanda
Icyorezo cya Covid-19 gikomeje kuzahaza isi yose muri rusange ndetse hakaba haramaze no kugaragara ubwoko bushya bw’iki cyorezo mu bihugu bimwe na Bimwe, kugeza ubu rero ubu bwoko bushya bw’icyorezo cya Covid-19 bwamaze kugera mu Rwanda.
Nkuko byatangajwe na minisitiri w’ubuzima Dr Daniel Ngamije, yavuze ko ubwoko bushya bw’icyorezo cya Cornavirus bwamaze kugera mu gihugu cyacu, aho babubonye mu cyumweru gishize mu bipimo bari barafashe mu mezi macye ashize.
Minisitiri w’ubuzima Dr Daniel Ngamije yabwiye RBA ko mu bipimo bya coronavirus birenga 400 byafashwe ku bantu batandukanye banduye hagati y’ukwezi kwa 10 muri 2020 ndetse n’ukwezi kwa kabiri muri 2021 aribwo bahise babona ko mu Rwanda hamaze kugera ubwoko bushya bw’icyorezo cya Coronavirus.
Dr Ngamije yakomeje avuga ko ubwoko bushya bwa Covid-19 bwagaragaye mu bipimo bafashe abantu bari baturutse mu mahanga kandi bashyizwe mu kato kugeza bakize iyi virus, yanavuze ko mu bipimo bibiri basanzemo ubwoko bushya bwo mu Bwongereza, naho mu bindi bipimo 10 basangamo ubwoko bwabonetse muri Africa y’Epfo bwiswe B.1.351.
Minisitiri w’ubuzima yagize ati” Ubwoko bushya bw’icyorezo cya Coronavirus twabonye twabusanze mu bantu bo hanze ntabwo ari abantu bo mu gihugu, mu banyarwanda haracyagaragara ubwandu busanzwe bwa Covid-19”.
Ubu bwandu bushya bw’icyorezo cya Coronavirus bwabonetse bwa mbere mu gihugu cy’Ubwongereza ndetse buza no kugera muri Afurika bwa mbere bubonwe mu gihugu cya Afurika y’epfo ndetse bugenda bukomeza kugera mu bihugu bitandukanye hano ku mugabane w’Afurika.
Ubwoko bushya bw’icyorezo cya Covid-19 bwagaragauye bwa mbere mu mpera z’umwaka wa 2020 mu gihugu cy’Ubwongereza bukaba bwarahawe izina rya B.1.1.7 ndetse akaba ari ubwoko bwandura cyane kurusha izindi virus za Coronavirus nkuko Umuryango w’abibumbye ishami ryita ku buzima OMS ryabitangaje.
Kugeza ubu mu Rwanda hamaze gutangwa inking za Coronavirus zingana na 97%, ni ukuvuga ko inking zirenga ibihumbi 340,000 zimaze gutangwa mu Rwanda nkuko Minisitiri w’ubuzima Dr Daniel Ngamije yabitangaje.
Mu Rwanda hamaze gufatwa bipimo bya Coronavirus birenga miliyoni imwe, aho abantu barenga ibihumbi 21,000 aribo bamaze kugaragara ko aribo banduye icyorezo cya Covid-19, mu gihe iki cyorezo kimaze guhitana ubuzima bw’abantu 290 mu Rwanda.
