Umugabo yakatiwe imyaka 400 azira gufata ku ngufu umukobwa w’imyaka 10 inshuro 900
Mu gihugu cya Afurika y’epfo, umugabo w’imyaka 46 yakatiwe gufungwa imyaka 400 muri gereza, kubera gufata ku ngufu umukobwa we w’imyaka 10 inshuro zisaga 900 nyuma y’uko nyina w’uyu mwana yitabye Imana.
Uyu mugabo ngo yatangiye gufata ku ngufu umukobwa we w’imyaka 10 kuva mu mwaka wa 2013 ubwo Nyina w’uyu mwana wari usanzwe ari n’umugore w’uyu mugabo yitabaga Imana, aho bivugwa ko uyu mugabo yafataga ku ngufu uyu mwana byibuze buri munsi nkuko abaturage bo gace Kwazulu-Natal babitangarije urukiko rukuru rwa Durban.
Ubusanzwe uriya mugabo utatangajwe amazina yafashwe mu kwezi kwa Kamena muri 2018 ubwo yari mu rugo rwe ruherereye ahitwa i Verulam, mu Majyaruguru ya Durban, uyu mugabo akaba yarafashwe ubwo umwana we yari amaze kubwira abaturanyi be ko afatwa ku ngufu n’uyu mugabo ndetse anamukorera ihohoterwa rikomeye cyane, ikindi hakaba haraje kugaragara amashusho agaragaza uriya mwana afatwa ngufu nuriya mugabo.
Aba baturanyi bakimara kumenya ibyo uriya mugabo akorera uriya mwana w’umukobwa w’imyaka 10 bahise bahamagara inzego zishinzwe umutekano bazibwira ariya mahano maze uriya mugabo ahita atabwa muri yombi gutyo.
Nyuma yo gufatwa uriya mugabo yahise ajyanwa gufungwa akaba yari amaze imyaka igera kuri itatu Atari yacirwa urubanza, none tariki ya 26 Werurwe 2021 urukiko rukuru rwa Durban rukaba rwaraciye urubanza rw’uyu mugabo maze rumukatira gufungwa imyaka 400 muri gereza nyuma yo guhamwa n’ibyaha byinshi birimo gufata ku ngufu uriya mwana, gusambanya no gukwirakwiza amashusho y’ubusambanyi ndetse no gucuruza abantu.
