Imikino ya shampiyona muri Volleyball yasozwaga kuri uyu munsi tariki ya 26 Gicurasi 2024, isize amakipe ya APR yegukanye ibikombe mu bahungu ndetse n’abakobwa.
Ni imikino ya kamarampaka yaberaga mu ishuri rya Des Angel riherereye i Remera nyuma y’uko aho yagombaga kubera mu ishuri rya Ecole Belge riherereye ku Gisozi byarangiye itahabereye kuberako inzu iberamo imikino hari bimwe itari yujuje bigomba kubanza gukorwa.
Mu bagabo, ikipe ya APR VC yegukanye igikombe itsinze ikipe ya Kepler VC imikino 2 kuri 1, Aho umukino wa mbere wari wegukanwe n’ikipe ya Kepler VC, Umukino wa kabiri wari wegukanwe n’ikipe ya APR VC, Mu gihe umukino wa gatatu urangiye ikipe ya APR VC itsinze Kepler VC amaseti atatu kuri 1.
Mu bari n’abategarugori, Igikombe cyegukanwe n’ikipe ya APR WVC itsinze ikipe ya Police WVC imikino 2 kuri 1, Aho umukino ubanza wari wegukanwe n’ikipe ya Police WVC , Umukino wa kabiri wegukanwa n’ikipe ya APR WVC ndetse iyi kipe akaba ari nayo yegukanye umukino wa gatatu ari nabyo byayifashije kwegukana igikombe cya shampiyona yuyu mwaka wa 2024.
Ikipe ya REG VC yegukanye umwanya wa gatatu nyuma yo gutsinda ikipe ya Police VC bari bahanganiye uwo mwanya, Mu gihe mu bari n’abategarugori umwanya wa gatatu wegukanwe n’ikipe ya RRA WVC nyuma yo gutsinda ikipe ya Ruhango WVC bari bahanganye.
