Arsenal yamaze gutandukana burundu n’umukinnyi Henrikh Mkhitaryan
Umukinnyi Henrikh Mkhitaryan wari usanzwe akinira ikipe ya Arsenal, ariko akaba yari yaratijwe mu ikipe ya As Roma yo mu gihugu cy’Ubutaliyani, yamaze kugurwa niyi kipe burundu nyuma yo gusesa amasezerano yari afitanye n’ikipe ya Arsenal yo mu Bwongereza.
Mu minsi yashize uyu mukinnyi, yagiye yumvikana avuga ko ashaka kuva mu ikipe ya Arsenal , aho yasabaga ubuyobozi bw’iyi kipe kuba bwa mugurisha burundu mu ikipe ya As Roma, none ibyo yifuje bikaba byamaze guhabwa umugisha, kuri ubu akaba yamaze gusinya amasezerano mu ikipe ya As Roma yo mu Butaliyani.
Uyu mukinnyi Henrikh Mkhitaryan w’imyaka 31 ukomoka mu gihugu cya Arumeniya, yageze mu ikipe ya Arsenal mu mwaka wa 2018 avuye mu ikipe ya Manchester united , icyo gihe hakaba harabayeho kugurana abakinnyi hagati y’amakipe yombi, Arsenal itanga Sanchez bayiha Henrikh Mkhitaryan.
Nyuma yo kugera mu ikipe ya Arsena, uyu musore yagiye agorwa no kubona umwanya uhagije wo gukina, byaje gutuma iyi kipe ifata umwanzuro wo kumutiza mu ikipe ya As Roma isanzwe ikina shampiyona yo mu guhugu cy’Ubutaliyani izwi nka Serie A.
