ITANGAZO RIHAMAGARIRA ABAKENEYE INKUNGA NYUNGANZI BINYUZE MU MUSHINGA WA RWANDA DAIRY DEVELOPMENT PROJECT – ICYICIRO CYA KABIRI (RDDP-2) WA RAB-SPIU
UTERWA INKUNGA NA IFAD.
Kilimo Trust Rwanda ku bufatanye n’Ikigo cy’Igihugu gishinzwe iterambere ry’ubuhinzi
n’ubworozi (RAB) kibarizwa muri Minisiteri y’ubuhinzi n’ubworozi (MINAGRI), binyuze mu mushinga wo guteza imbere uruhererekane nyongeragaciro rw’amata mu Rwanda – icyiciro cya kabiri (RDDP-2) uterwa inkunga n’ikigega mpuzamahanga gishinzwe iterambere ry’ubuhinzi (IFAD), barahamagarira aborozi b’inka zitanga umukamo, amakoperative y’aborozi b’inka zitanga umukamo (MCCs), amashyirahamwe yanditswe mu buryo bwemewe n’amategeko (L-FFS), amatsinda yo kuzigama no kugurizanya (VSLAs) akora mu ruhererekane nyongeragaciro rw’amata, gusaba inkunga nyunganzi (matching grants) ku bikoresho bikurikira:
- Amahema afata amazi (dam sheets) hamwe na pompe zikandagirwa n’ibindi bikoresho
byazo. - Imashini zisya n’izikata ubwatsi (chopper machines).
Urubyiruko n’abagore barashishikarizwa kwitabira iyi gahunda kuko bazahabwa amahirwe yihariye.
Abemerewe gusaba iyi nkunga bagomba kuba bafite ibikorwa by’ubworozi bw’inka z’umukamo mu turere makumyabiri na turindwi (27) umushinga RDDP-2 ukoreramo aritwo utu dukurikira: Nyagatare, Gatsibo,
Kayonza, Ngoma, Kirehe, Rwamagana, Bugesera, Gicumbi, Gakenke, Rulindo, Burera, Musanze,
Nyabihu, Ngororero, Rubavu, Rutsiro, Karongi, Nyamasheke, Rusizi, Nyaruguru, Huye,
Nyamagabe, Gisagara, Nyanza, Ruhango, Muhanga na Kamonyi.
Abifuza inkunga nyunganzi barasabwa kohereza imishinga yabo banyuze ku rubuga rwabugenewe rwa interineti ruboneka kuri https://r-yes.com/rddp_grant/kuva taliki 09 Werurwe 2026 kugeza taliki 23
Werurwe 2026.
Imishinga yatanzwe izasuzumwa harebwa niba ijyanye n’intego z’umushinga RDDP2, kandi abasaba bujuje ibisabwa bazamenyeshwa icyiciro gikurikiraho.
Ku bindi bisobanuro wahamagara kuri +250780208285 cyangwa ukegera umukozi w’umushinga RDDP-2 mu Karere uherereyemo kuva ku wa mbere kugeza ku wa gatanu, guhera saa tatu za mu gitondo (09:00) kugeza saa kumi n’imwe z’umugoroba (17:00).
Murakoze.
